Қазақстанның Сингапурға экспорты 70 млн доллардан асты – елші
11 Желтоқсан, 2017 19:28
Қазақстанның Сингапурға экспорты 70 млн доллардан асты. Бұл туралы Қазақстанның Сингапур, Австралия мен Жаңа Зеландиядағы елшісі Үсен Сүлеймен СІМ-дегі брифингте мәлімдеді.
«Соңғы жылдары қазақстандық экспорт Сингапур еліне артқан. 2016 жылы 41,8 млн долларды құраса, 2017 жылы 72,8 млн долларды құрады», - деді дипломат.
Ол айтып өткендей, қазақстандық экспорттың негізінде битум материалдарынан жасалған мұнай мен мұнай өнімдері жатыр. Қазақстан Сингапурдан жануарлар мен өсімдік өнімдерін, азық-түлік, химия өнеркәсібін импорттайды.
«Қазақстан аталмыш елге астық, алкоголь өнімдерін жеткізе алады. Сондай-ақ, олар қазақстандық шоколадты жақсы көреді», - деді Ү.Сүлеймен.
Қайрат Жандыбаев
