«Бәйтерек» холдингі «Қорғас-Шығыс қақпасы» АЭА қойма орынжайларын салу жобасын қаржыландырды

11 Желтоқсан, 2017 15:13

«Бәйтерек» холдингі «Қазақстан Темір жолы» АҚ-мен және оның еншілес ұйымы «ҚТЖ-Экспресс» АҚ-мен, «Verno Capital» инвестициялық қор – шетелдік қатысушылармен және «PNK Group» девелоперлік компаниясымен бірлесе отырып, заманауи қойма орынжайларын салу жобасын іске қосты.

Холдингтің баспасөз қызметі хабарлағандай, қоймалар «Қорғас – Шығыс қақпасы» арнайы экономикалық аймағы аумағына орналастырылады. Жобаны «Бәйтерек» холдингі өзінің еншілес ұйымы «Қазына Капитал Менеджмент» АҚ құрған Қазақстанның инфрақұрылымдық қоры арқылы қаржыландырады.

«Қазақстан дамуының негізгі институты болып табылатын «Бәйтерек» холдингі елдің инфрақұрылымдық әлеуетін «Нұрлы жол» жаңа экономикалық саясатымен түйісетін шетелдік балама жобаларды да қолдауға дайын», - деді «Бәйтерек» ҰБХ» АҚ Басқарма төрағасының міндетін атқарушы Айдар Әріпханов.

А. Әріпхановтың айтуынша, «Бәйтерек» холдингінің шетелдік инвесторлармен өзара іс-қимылының инвестициялық, сауда, инновациялық және энергетика салаларында болашағы зор. Холдинг стратегиялық инвестициялық әріптестікті ұлғайтуға және өзара қызығушылық танытқан жобаларды қаржыландыру бағытын жалғастыра бермек.

Барлық жаңалықтар