• Басты
  • Көкшетауда мемлекеттік қызметкерлермен жеке кездесулер өткізіледі

Көкшетауда мемлекеттік қызметкерлермен жеке кездесулер өткізіледі

11 Желтоқсан, 2017 14:36
Көкшетауда мемлекеттік қызметкерлермен жеке кездесулер өткізіледі, бұл туралы Ақмола облысы әкімі аппаратының этикасы жөніндегі құзыретті Нариман Әбдірахманов мәлімдеді.

Әрбір мемқызметкермен жеке жұмыс істеу  2017 жылдың  5 желтоқсанынан басталды. Ол 25 облыстық басқармада 2018 жылдың  14 ақпанына дейін өтеді, деп хабарлады ішкі саясат басқармасының  өңірлік коммуникациялар қызметі.

«Моральдік-психологиялық ахуалды бақылау мақсатында  қызметтік этиканы сақтау мен  мемлекеттік қызмет туралы  заңнаманы бұзудың алдын алу  5 желтоқсаннан бастап  14 ақпанға дейін  25 басқармада жүзеге асырылады. Әрбір мемқызметкермен жеке жұмыс істеу басқарма басшылығына арнайы ұсыныстарды дайындауға мүмкіндік береді», - деді Н.Әбдірахманов.

Бүгін екі басқармада  58 мемлекеттік қызметкермен жеке әңгімелесулер өтті.

Барлық жаңалықтар