Қазақстанда аушы құстармен аң аулаудың үздіктері анықталды

11 Желтоқсан, 2017 10:43

Щучье-Бурабай курорттық аймағындағы Текекөл маңында аушы құстармен аң аулау бойынша «Қансонар-2017» халықаралық турнирі өтті, деп хабарлады өңірлік коммуникация қызметі.

«Халықаралық турнирге қатысқандардың географиясы кең. Ресей, Қытай, Қырғызстан, Моңғолия, Мажарстан мен ел өңірлерінен аушы құстары бар аң аулаудың 50-ден астам шеберлері өнер көрсетті», - деп хабарлады ӨКҚ.

Турнир 3 іріктеу кезеңінен тұрды, онда құстардың ұшуы, оның аң аулауы бағаланды.

Айта кетерлігі,ең мықты құстарды таңдап алу қиынға соқты. Көрермендер мен жанкүйерлер жыртқыш құстардың аңды аулап өз иесіне әкеліп берген әрекеттеріне куә болды.

Турнирдің ашылуына Ақмола облысы әкімінің орынбасары Айна Мысырəлімова, Қазақстан Республикасындағы Монғолия мемлекетінің Төтенше және Өкілетті Елшісі Лувсан Баттулга, Венгрия Республикасының Төтенше жəне Өкілетті Елшісінің орынбасары Шандо Дороги жəне еліміздің ұлттық спорт түрлері бойынша республикалық қауымдастықтың өкілдері мен Мәсіп Батырханұлының ұрпақтары қатысты.

Барлық жаңалықтар