Сарапшы Қазақстандық мемлекеттік-жекеменшік әріптестік орталығының қызметі туралы айтып берді

«Бұл орталықтың негізгі міндеті мемлекеттік жеке әріптестік аясында жобаларды әзірлей алатын, оларға сыный көзбей қарай алатын, сараптама жүргізе алатын, сол жоба аясындағы есептерді дайындай алатын мамандарды оқытып, дайындау болып табылады.  Сонымен қатар, бүгінде орталықтың жұмыс ауқымы кеңейтілуде. Орталық жергілікті  әкімдіктерге жобаларды әзірлеу бойынша көмектесіп жатыр. Яғни жобаларды ойластырудан бастап, оны жүзеге асыру үшін шарт жасауға дейін көмектеседі», - деп түсіндірші Азат Құтпанбетов.

Сарапшының айтуынша, шарт жасалғаннан кейінгі шаруа мемлекеттік орган мен кәсіпкердің арасындағы өзара қарым-қатынас болып табылады.

«Келісімшартқа қол қойылғаннан кейін тараптардың әр қайсысы өз міндетін атқарады. Мәселен, мемлекет қаржы бөлу, бақылау қызметін атқарса, кәсіпкер пайда тауып, осы жобаны жүзеге асыруға міндетті болады», - деп түйіндеді Азат Құтпанбетов.

Естеріңізге сала кетейік, «Стратегия» пікір талас клубының кезекті тікелей эфирдегі отырысында мемлекеттік жеке меншік әріптестіктің нақты көрсеткіштері талқылануда. Ой жарысқа мемлекет тарапынан - ҚР Ұлттық экономика министрлігінің өкілдері, жеке меншік секторынан – жеке меншік әріптестік орталығының мамандары қатысып отыр. 

Мөлдір Асқарқызы