МЖӘ - Ұлттық экономика министрлігі республикалық жобаларды әдістемеден өткізеді (ФОТО)

«Алдымен,  мемлекеттік жеке меншік әріптестіктің қызметі туралы айтсақ. Бұл өзара тиімді шарттар, мемлекет пен бизнестің қарым-қатынастарын реттейтін ұйым. МЖӘ орталығы Үкімет қаулысымен құрылған болатын. Басты мақсаты – республикалық деңгейдегі жобалардың сараптамасын жасау, мемлекеттік органдар өкілдеріне қызмет көрсету», - деді Ә.Сейдуманов.

Бас сарапшы айтып өткендей,  мемлекеттік орган ретінде Ұлттық экономика министрлігі республикалық  жобаларды  әдістемеден   өткізеді, заң жобаларын  қабылдайды. Жалпы, үйлестірумен айналысады.  

«Мемлекеттік жеке меншік әріптестік бойынша мемлекеттік органдар кейбір нысандарға қатысады. ҚР Жер кодексіне сәйкес, жер учаскелерін беру, мемлекеттік меншік нысандарын пайдалану құқығын беру, инженерлік көлік коммуникацияларын қолдану және  әріптестік бойынша тұрғызылған нысанға  мемлекет оған инфрақұрылым тартып береді. Тағы басқа да  қолдау шаралары болады. Ол мемлекеттік тұтыну кеплідгін беру», - деді Әділ Сейдуманов.

Айта кетейік, "Стратегия" пікірталас клубында Мемлекеттік және жеке меншік әріптестікті дамыту тақырыбы талқыланды. Ой жарысқа мемлекет тарапынан - ҚР Ұлттық экономика министрлігінің өкілдері, жеке меншік секторынан – жеке меншік әріптестік орталығының мамандары қатысуда. 

Аягөз Құрмаш