• Басты
  • Қазақстанда ауыл шаруашылығы кооперативтерін құруға оң қызығушылық байқалады
8 Желтоқсан, 2017 17:16

Қазақстанда ауыл шаруашылығы кооперативтерін құруға оң қызығушылық байқалады

Қазақстанда ауыл тұрғындары арасында ауыл шаруашылығы кооперативтерін құруға оң қызығушылық байқалады. Бұл туралы Ауыл шаруашылығы министрлігі Ауыл шаруашылығы кооперациясы департаментінің директоры Берік Нығмашев АШМ-де мәлімдеді.
Қазақстанда ауыл шаруашылығы кооперативтерін құруға  оң қызығушылық  байқалады

«Көшпелі өңірлік  семинарлардың  ауқымы қорытындыланды. Жергілікті органдардың  мәліметінше,  бүгінгі таңда  республика бойынша  1063  ауыл шаруашылығы  өндірістік кооперативтері  құрылды,  оның ішінде  2017 жылы – 774 АШК ашылды. Алдын ала сараптама бойынша, ауыл тұрғындары арасында  ауыл шаруашылығы кооперативтерін құруға  оң қызығушылық  байқалатыны белгілі болды», - деді Б.Нығмашев.

Ол айтып өткендей,  жаңадан құрылған,  қайта құрылған АШК бірқатар проблемаларға душар болады.  Атап айтсақ, өндірісті  басқару бойынша  ақпаратпен қажетті қамтамасыз етпеу, заң сауаттылығы, салық салу, бухгалтерлік есеп, ауыл шаруашылығы өнімінің өндірістік жүзеге асырылуы және ілгерілеуі, несие мен субсидия алу бойынша  өтінімдерді рәсімдеу.

«Осы орайда, АШМ  көрсеткен  жұмыстар бойынша   түсіндіру жұмыстарын жүргізу  мақсатында «Атамекен» ҰКП құзырет орталығы, Қазақстанның ауыл шаруашылығы кооперативтерінің Ұлттық одағының қатысуымен  2017 жылдың  23 қазаны мен 25 қарашасы аралығында  республика  аудандарының   АШК жетекшілері мен қызметкерлері, жергілікті атқарушы орган қызметкерлері мен АШМ өңірлік  ведомстволары  арасында  «Ауыл шаруашылығы өнімдерін өндіру үшін  ауыл шаруашылығы кооперативтерін  басқару негіздері» тақырыбында семинар өткізді», - деді ол.

Қайрат Жандыбаев

Барлық жаңалықтар
35.153.39.7, 192.168.88.100