Астанада «Алтын сапа» байқауының қорытындысы жарияланды

Сонымен, «Үздік индустриалды жоба», «Үздің инновациялық жоба», «Сапа көшбасшысы», «Азық-түлік таураларрын немесе ауыл шаруашылығы өнімдерін өндіретін үздік кәсіпорын» номинациялары бойынша арнайы сыйлықтар табысталды.

Атырау облысынан «РауанНалко»ЖШС, Маңғыстау облысынан «Каскор-Машзавод» АҚ мен СҚО-дан «AVAGRO»ЖШС «Өндірістік мақсаттағы үздік кәсіпорын» номинациясы бойынша ҚР Президентінің «Алтын сапа» сыйлығының лауреаты атанды.

«Халық үшін тауар шығаратын үздік кәсіпорын» номинациясында Алматыдан ірі кәсіпкерлік субъектісі «Алматы азық-түлік» ЖШС, Алматы облысынан ірі кәсіпкерлік субъектісі «Жаркент крахмал-сірне зауыты»ЖШС, ОҚО-дан ірі кәсіпкерлік субъектісі «Planta»ЖШС арнайы сыйлықты иеленді.

Ал, «Қызмет көрсететін үздік кәсіпорын» аталымында ірі кәсіпкерлік субъектілері ішінен Астананың «Медикер  - өндірістік медицина» ЖШС, орта кәсіпкерлік субъектілері арасында Қарағанды облысының «Дефектоскопия» ЖКС, шағын кәсіпкерлік субъектілері арасында Астананың «Скулбас» ЖШС үздіктер қатарынан көрінді.

Естеріңізге сала кетейік, ҚР Президентінің «Алтын сапа» сыйлығының байқауы осы жылдың айтулы оқиғаларының бірі. Айта кетейік, «Алтын сапа»  байқауына  биыл 101 компания үміткер.  «Қазқастаннң үздік тауары»  байқауына  144 кәсіпкерлік қатысты.

Айта кетейік, ҚР Президентінің «Алтын сапа» сыйлығы  қызмет көрсету немесе өнім шығару саласында айтарлықтай жетістікке жеткен кәсіпорындарға беріледі.

Өз кезегінде,  «Қазақстанның үздік тауары» көрме байқауының жеңімпаздары үш номинация бойынша анықталады: «Өндірістік бағыттағы үздік тауарлар», «Халық үшін ең үздік тауарлар»  және «Үздік азық-түлік тауары».

Жыл сайынғы дәстүр бойынша Индустриаландыру күні аясында жалпыұлттық телекөпір өтеді. Онлайн режимде  18 кәсіпкерлікті қосы жоспарланған. Сондай-ақ,  2017 жылғы индустриалды-инновациялық даму қорытындысы шығарылады.

Қайрат Жандыбаев