Жемқорлыққа қарсы мониторингтік топ жұмысын қортындылады

Жиналыс жұмысына Мемлкеттік қызмет істері және сыбайлас жемқорлыққа қарсы іс-қимыл агенттігі, «Азаматтарға арналған үкімет» мемлекеттік корпарациясы, орталық мемлкеттік органдардың басшылығы, «Нұр Отан» партиясы, «Атамекен» ҰКП, сондай-ақ жергілікті атқарушы органдар менг агенттіктің аумақтық бөлімшелерінің өкілдері бейне байланыс арқылы қатысты.

Арнайы сыбайлас жемқорлыққа қарсы мониторингтік топтың мүшелері биылғы жылдың қыркүйек пен қараша айларында Қазақстанның 8 өңіріне – Алматы, Қостанай, Шығыс Қазақстан, Солтүстік Қазақстан, Павлодар, Батыс Қазақстан, Ақмола, Қарағанды облыстарына сапар шеккен.

 «Өңірлерде өткен халықпен сұхбат бұл мәселеге қатысты қызмет алушыларға мүмкіндік берді. Қазіргі кезде барлық себептер жойылды»,-деді Қазақстанның Азаматтық Альянсының вице-президенті Мұсағали Дуамбеков.

Сондай-ақ жиналыс барысында Қазақстан Республикасы Президентінің жанындағы адам құқықтары жөніндегі комиссияның мүшесі Айгүл Соловьева мемлекеттік органдарда еңбек заңнамасының да дұрыс сақталмайтыны туралы айта  келіп, қоғамдағы азаматтарымызды өз азаматтық ұстанымдарын белсенді білдіруге шақырды.

Жиналыста электрондық кезекті енгізу, қызметті өзгерту, ақпараттық жүйелерді ықпалдастыру, көші-қон сақшысы, Қазпочта және ХҚКО қызметкерлерінің жұмыс кестелерін үйлестіру, азаматтарға қызмет көрсету кезінде эксаумақтық принсипті енгізу, барлық деңгейдегі әкімдердің қызмет көрсететін ұйымдардың  жұмысын жақсартуға қызығушылығы мен өзара іс-әрекеттің күшеюі, «делдалдар» мен жеке мүдделерді қолдауды жою бойынша барлық өңірлерде жұмыстар атқарылғаны айтылып өтті.

Сонымен қатар, қоғам өкілдері 2018 жылдың басында Елбасыға енгізілетін Сыбайлас жемқорлыққа қарсы іс-қимыл жөніндегі ұлттық баяндаманың мазмұны мен құрылымы туралы талқылады.

Есбол Социалхан