Қазақстанның ДСҰ-ға енуінен кейін ұсталған автокөлікке салынатын импорт құны 8 есеге дейін төмендемек– Р.Ошақбаев

15 Қаңтар, 2014 14:19

Қазақстанның ДСҰ-ға енуінен кейін ұсталған автокөлікке импорт құны 8 есеге дейін төмендейді деп күтіледі, деп мәлімдеді бүгін Орталық коммуникациялар қызметінің брифингінде Ұлттық кәсіпкерлер палатасы басқарма төрағасының бірінші орынбасары Рақым Ошақбаев.

«2014 жылы Қазақстанның Дүниежүзілік Сауда Ұйымына енуі күтілуде. Еуразиялық интеграция процесінен бір айырмасы – кәсіпкерлік қауымдастық ДСҰ-ға енуге қатысты ешбір ақпаратқа қол жеткізе алмай отыр. Сол себепті де ДСҰ-ға енудің пайдасы мен зияны туралы біздің болжам жасауымыз мүмкін болмай отыр. Алайда бірен-саран жеткен ақпараттар біздің назарымызда. Соның ішінде Қазақстанның ДСҰ-ға енуінен кейін 5 жылдан артық ұсталған автокөлікке импорт құны 8 есеге дейін төмендейді деп күтіледі»,- деді Р.Ошақбаев.

Оның айтуынша, «Қазақстанның ДСҰ-на ену жолындағы келіссөздер процесінен кейін еліміздегі кәсіпкерлікке көптеген әсері болады деп үміттенеміз».

«Астана экономикалық форумы аясында дәстүрлі түрде «Атамекен» ҰКП «Еуразиялық іскер конгресс» сессиясын өткізуге жауапты. Біз осынау алаңды басқаша атауды ұсындық. Еуразиялық шараларды Еуразиялық бизнес форумға тапсыруды ұсынамыз. Астана экономикалық форумы аясында сессия Бизнес-диалог ретінде аталатын болады. Бұл Кедендік одақ елдерінің ірі үш бизнес-қауымдастығының бірлестігі. Атап айтар болсақ олар Беларусьтің өнеркәсіптік кәсіпкерлік конференциясы, Ресейдің өнеркәсіптік-кәсіпкерліктері кеңесі мен «Атамекен» ҰКП», - деді Р.Ошақбаев.

Осыған орай, 2014 жылы АЭФ аясында формалды шара «Еуразиялық экономикалық кеңес жолында» сессиясы өткізіледі.