Ресейдің бизнес қауымдастығы АХҚО жұмысына үлкен қызығушылық танытып отыр
5 Желтоқсан, 2017 20:47
«Астана « Халықаралық қаржы орталығы жетекшісі Қайрат Келімбетов пен РФ бизнес ортасының мемлекеттік өкілдерімен кездесуінде АХҚО мен Мәскеу биржасы ынтымақтастығының әлеуетін талқылады.
АХҚО баспасөз қызметі хабарлағандай, кездесу Ресейдің Қазақстандағы Төтенше және Өкілетті елшісі Михаил Бочарниковтың қатысуымен өтті.
«Ресей бизнесі АХҚО ұсынып отырған жаңа инвестициялық мүмкіндіктерге қызығушылық танытып отыр», - деді М.Бочарников.
АХҚО дамуының негізгі стратегиялық бағыттары капитал нарығы, активтерді басқару, жеке тұлғалардың әл-ауқатын басқару, ислам қаржыландыру, қаржы технологиялары мен жасыл қаржы болып табылады.
«АХҚО табысы ресей компанияларының қатысуымен байланысты. Оларды белсенді серіктес ретінде көргіміз келеді», - деді Қ.Келімбетов.
Кездесу барысында АХҚО ынтымақтастығының мәселелері мен Ресей қаржы ортасының мәселелері талқыланды.
