ЕАЭО-ның интеграциялық үрдістері инвесторларға айтарлықтай әлеует сыйлайды

«Қазақстан Еуропа мен Азия арасындағы  сауда көпірінің орталығында тұрғандықтан  ЕАЭО,Ресей, Орталық Азия өткізу нарықтарына қол жеткізе алады.  ЕАЭО-ның  интеграциялық үрдістері инвесторларға айтарлықтай  әлеует сыйлайды», - деді Б.Сағынтаев.

Ол  «Индустрия 4.0 — Қазақстанның экономикалық жаңғыруының жаңа кезеңі» панельдік пікірталасы барысында өнеркәсіптік интернетті, 3D баспаны, робот техникасын, ауқымды мәліметтерді талдауды, жасанды интеллекті, машиналық оқытуды т.с.с. пайдаланумен байланысты озық технологиялық жобаларды кәсіпорындарға енгізу мүмкіндіктері туралы айтты.

Сондай-ақ, ол Қазақстанда жүргізіліп отырған  жекешелендірудің  екінші ауқымды кезеңі  инвесторларға мүмкіндік береді.

 «Инвесторлар үшін қазіргі уақытта Қазақстанда жүргізіліп жатқан жекешелендірудің ауқымды екінші толқыны зор мүмкіндіктер береді. Үкімет экономиканы мемлекет иелігінен алу бағытын жүзеге асыруда. Қазіргі уақытта елімізде 900-ден астам компания бәсекелестік ортаға беріледі. Барынша тартымдысы мемлекет меншігіндегі және квазимемлекеттік сектордағы 65 үздік компания саналады. Оның 57-сі - ұлттық холдингтер. Мен сіздерді аталған жекешелендіруге қатысуға шақырамын», - деді Бақытжан Сағынтаев.

Қайрат Жандыбаев