Премьер-Министр Қазақстанның инвесторларға тиімді стратегиялық жоспары туралы баяндады

«Үкіметтің басты мақсаты – Қазақстанға «жаңа буынның»  инвестициясын тарту  үрдісін тұрақты ынталандыру стратегиясын қалыптастыру», - деді Б.Сағынтаев.

Премьер-Министр инвесторлар Қазақстандағы бизнесін дамыту арқылы  қандай тиімді мүмкіндіктерге ие болатындығы туралы айтты.

«Біріншіден,  2014-2016 жылдардағы қиындықтан кейін ел экономикасы тұрақтана бастады. 2017 жылдың  10 айында қабылданған шаралар қорытындысы  бойынша  ЖІӨ өсімі  4 пайызды құрады.  Халықтың  жеке және тұтынушылық белсенділігі  артуда.  Осылайша, елдің бейімделуі жаңа әлемдік  шынайылыққа шықты.  Біз экономикалық өсім жолына шықтық», - деді Үкімет  басшысы.

Ол айтып өткендей, Қазақстан  дамудың жаңа кезеңіне шықты. Үш бағыт бойынша ауқымды жұмыс жүргізіледі: саяси демократияландыру,  рухани жаңғыру және  адами капиал сапасын арттыру, экономикалық өсімнің жаңа моделін құру, жеке секторды жекешелендіру, технологиялық жаңару мен цифрландыру, жаһандық бәсекелестік өсімі.

«Үкімет  әлеуметтік-экономикалық саясаттың барлық бағытын  қамтитын  жол карталарынан   құралған  2025 жылға дейінгі Стратегиялық жоспарды қабылдады. Ол Елбасы қарауында. Басымдықта -8 негізгі салалық экономика, экономиканың әлеуетті салаларындағы   жаңа жұмыс орындарын құру, ауқымды кәсіпкерлікті  дамыту, технологиялық  жабдықтау мен цифрландыру», - деді Б.Сағынтаев.

Ол  Қазақстанда инвесторларға  үлкен мүмкіндіктер бар екенін айтты.

«Қазақстанның үшінші жаңғыруы аясында  біздің саясат қазіргі заманғы ғылымды дамытатын  өндірісті дамытуға, экономика мен агроөндірістік кешеннің  салалық жаңаруына,   үлкен мүмкіндік береді», - деді Премьер-Министр.

Қайрат Жандыбаев