ҮАААЖ жобасы аяқталуға жақындап қалды – ҚР ИДМ

5 Желтоқсан, 2017 09:41

«Kazakhstan Global Investment roundtable» инвестициялық форумында үлкен алматылық айналма жолы жобасы бойынша шешуші келісім жасалады. Жоба 2025 жылға дейін есептелінген. Құрылыс құны шамамен 180 млрд теңге. Бұл туралы ҚР инвестициялар мен даму министрі Жеңіс Қасымбек Астанадағы инвестициялық форумда хабарлады.

«ҮАААЖ-ды салу бойынша бүгін соңғы шешуші келісім жасалады, жеңімпаз-консорциум анықталды - ол төрт компаниядан құралған Оңтүстік-кореялық түрік консорциумы. Консорциум өзі қаржы құяды, өзі салады, өзі пайдалануға енгізеді және өзі ақшасын шығарады», - деді Ж.Қасымбек.

Министрдің мәліметі бойынша, ҮАААЖ-ды мобилизациялау осы айдан бастау жоспарланған.

««2017 жылы осы айдан бастап, мобилизация жүргізіледі. Ал күн жылынғаннан кейін, яғни бірінші тоқсанда құрылыс жұмыстары басталады. Құрылыс 3 жыл жүргізіледі. Тасжол ақылы болады. Аталған тасжол Алматы жолдарына түсетін жүктемені азайтады. Жол бетоннан салынады. Оның ұзындығы 60 шақырымнан астам. Жолдың кейбір бөлігі 8-10 жолақтан тұрады. Жоба 2025 жылға дейін есептелген. Оның құны 180 млрд теңге», - деп атап өтті ведомство басшысы.

Қайрат Жандыбаев

Барлық жаңалықтар