Астана әкімдігі мемқызметкерлердің жалақысын төлеу бойынша жаңа жүйені жасақтауда (ФОТО)

«Мемлекеттік құрылымдардың жұмысының тиімділігін арттыру және ашықтығын қамтамасыз ету өте маңызды. Сондықтанда біз Елбасының тапсырмасы бойынша республика бойынша бірінші мемлекеттік қызметкерлердің жалақысын төлеу бойынша жаңа жүйені жасақтаумен айналысудамыз», - деді әкім.

Бүгінде қызметкерлерге қатысты жаңа біліктілік талаптары жасақталуда және де әкімдік комуналдық кәсіпорындарды қайта құрылымдауда.

«Өздеріңіз білетіндей, олардың басым бөлігі жекешелендірілген немесе келер жылы жекешенлендіріледі. Қалатындар үшін мемміндеттерді оңтайландырып жатырмыз», - деді Әсет Исекешев.   

Жалпы, әкімнің хабарлауынша аймақтық азық-түлік өнімде шағын және орта бизнес үлесі 58%-ға жетті.

«Бұл республика бойынша бірінші орын, біздің есептеуімізше бұл жақсы көрсеткіш. Өткен 10 айда Астанада 11 мың жаңа кәсіпкер пайда болды. Бұл қалалану жағдайында Астана мен Алматының алдында тұрған міндеттер. Яғни, олар ішкі көші-қонның басым бөлігі кететін қалалар. Біздің алдымызда жаңа жұмыс орындарын ашу және қаланы тұрақты дамыту міндеттері тұр. Себебі, Астананың  жұмысқа қабілетті халқының 60%-дан астамы шағын және орта бизнесте жұмыс істейді. Бұл дегеніңіз 316 мың адам», - деп атап өтті Астана әкімі.

Ақбота Күзекбай

Фото: Бауыржан Жуасбаев