М.Бектұрғанов: Мен протездеуге мұқтаж қазақстандықтарға бионикалық протез орнатуға көмектесемін
1 Желтоқсан, 2017 19:54
Жас өнертапқыш Мәулен Бектұрғанов «100 жаңа есім» жеңімпаздарының Елбасымен кездесуінде 4-ші курста бионикалық протезді қалай әзірлегені мен барша мұқтаж қазақстандықтарға көмектесуге әзір екенін жеткізді.
«Қазақстанда 14 000 адам протездеуге мұқтаж. Бұл сан мені таң қалдырды.Оны өзгерткім келді. Мен ұқсас протездер тек шетелде ғана жасалатынын байқадым. Сондықтан да қазақстандық сапалы әрі қолжетімді өнім дайындауға ұмтылдым. Мен бионикалық протездің 5 нұсқасын жасадым», - деді ол.
Ол айтып өткендей, протез бірқатар қозғалыстарды жүзеге асыруға мүмкіндік береді.
«Мен грантқа ие болдым. Өз компаниям бар. Жарты жылда 15 адам протез алды», - деді ол.
Қайрат Жандыбаев
