Е.Рысмағамбетов: Үлкен тәжірибе жинаған соң, Қазақстанға оралдым

1 Желтоқсан, 2017 18:16

«Қазақстанның 100 жаңа есімі» жеңімпаздарының бірі Ернұр Рысмағамбетов ҚР Президенті Нұрсұлтан Назарбаевқа халықаралық Олимпиадаларды жеңіп, Америкада қайда жұмыс істегендігін және АХҚО кәсіби үздіксіз дамыту бюросының жетекшісі қалай болғандығын айтып берді.

«15 жыл бұрын 2002 жылы Физика бойынша дүниежүзілік олимпиадада мен алтын медальға ие болдым. Меніңше, бұл жеңіс барлық ұстаздар мен Қазақстанның жеңісі. Сол жылы ұздік оқу орындарының бірі Калифорния технологиялық институтына шақырту алдым. Грантқа ие болу оңай болған жоқ. Алайда, 1200 долларға қол жеткізіп, Америкаға бару одан да қиын болды. Сол кездегі 17 жастағы бала әртүрлі демеушілерден көмек сұрап, одан бас тартқым да келді. Соңында тағы бір Олимпиада жеңімпазы атанып, 1300 доллар тұратын ноутбукты ұтып алдым. Оны сатып, Америкаға жол тарттым», - деді Е.Рысмағамбетов.

Қазір оның жасы 31-де, ол Америкадағы университет өзінің күткенін ақтағандығын айтады.

Ернұр Рысмағамбетовтың айтуынша, 2009 жылдан бастап Дүниежүзілік олипиадаға физика бойынша оқушыларды дайындаған.

«Мексикаға барып, 2 алтын медаль, Таиландта 3 алтын ұттық. Біздің ел 10 үздік ел қатарына ендік. Біздің жұмысымызды Дүниежүзілік комитет бағалады, мен оған мүше болдым», – деді ол.

Қазір Ернұр «Астана» халықаралық қаржы орталығында жұмыс істейді.

Айта кетейік, «100 жаңа есім» жеңімпаздары Елбасымен кездесу өткізуде.

Ақбота Күзекбай