• Басты
  • Тұңғыш Президент күні бес жыл қатарынан аталып келе жатқан мереке - Дархан Жазықбаев

Тұңғыш Президент күні бес жыл қатарынан аталып келе жатқан мереке - Дархан Жазықбаев

1 Желтоқсан, 2017 12:30
«Стратегия» пікірталас клубының алаңында «Тұңғыш Президент күні: Елбасының биылғы бастамалары» тақырыбымен өткен отырыста философия ғылымдарының кандидаты Дархан Жазықбаев барша қазақстандықтарды Тұңғыш Президент күнімен құттықтады.

«Барша қазақстандықтарды Тұңғыш Президент күнімен құттықтаймын. Бұл біздің бес жыл қатарынан қарсы алып келе жатқан мереке. Себебі, Елбасы тәуелсіздік алған жылдан бастап елімізді барлық қиын қыстау кезеңдерінен, биік белестерінен асырып Мәңгілік елге жол бастап келе жатқан көшбасшымыз», - деп сөз басында Дархан Жазықбаев барша қазақстандықтарды айтулы күнмен құттықтады. 

Спикердің айтуынша, Мемлекет басшысының күллі түркі әлеміне ақсақал атануының өзіндік себебі бар. 

«Жалпы, президентіміз тәуелсіздіктің жиырма алты жылында еліміздегі көптеген стратегиялық жоспарлардың, бағдарламалардың, бастамалардың көшбасшысы. Ол оларды қалай жүзеге асыруды, дамытуды, ел экономикасын көтеруді көрсетіп келе жатқан бастамашы. Сондықтанда біздің Елбасымыздың мәртебесі әлемдік дейгейде көтерілуі, түркі әлемінде ақсақал атануы оның ерең еңбегінің нәтижесі», - деді Дархан Жазықбаев.

Сонымен қатар, Дархан Жазықбаев барша қазақстандықтарды Ұлткөшбасшысы көтерген бастамалар мен ұсынған бағдарламаларын жүзеге асыруға бірлесіп атсалысуға шақырды.

«Елу жылда ел жаңа демекші осы тәуелсіздігіміздің жиырма алты жылында қаншама ұрпақтар дүниеге келді. Ал, осы ұрпақтар Елбасының ел үшін жүріп өткен жолын білуі шарт. Осы ретте насихаттау жұмыстарын жүргізу керек, көбірек айтуымыз керек деп ойлаймын. Сонымен қатар, жалпы қоғам болып азаматтық тұрғыда жауапкершілікпен қарап, Мемлекете басшысының берген тапсырмаларын жүзеге асырып, іске көшуіміз керек. Бірігіп істеген ісіміз өнімді болады. Сондықтанда қайда жүрсеке берекелі істерде көріне беруіміз жазсын», - деп түйіндеді Дархан Жазықбаев.
Айта кетейік, «Стратегия» пікірталас клубының кезекті отырысында Қазақстан Президенті Нұрсұлтан Назарбаевтың бастамашыл бағдарламалары мен реформаларды талқыланды. 

Мөлдір Асқарқызы

Барлық жаңалықтар