Елбасы заманға сай талаптарын да жаңартып отырады – Р.Әкімов
«Елбасымыздың әуелі экономика содан кейін саясат деген формуласы бүгінде өзінің орнын алды. Осы аясында бірқатар шаруалар атқарылды. Егемендік алған соң, экономика нақтыланып, қаржылық талаптар орнына келді. Елбасы заманға сай талаптарын да жаңартып отырады. Жақында Елбасы Қазақстанның үшінші жаңғыруы туралы жариялады. Сондай-ақ, «100 нақты қадам» 5 институционалдық реформаны жүзеге асыру да бар. Қазіргі заман талабына сай кәсіби мемлекеттік аппарат құру, заң үстемдігін қамтамасыз ету, индустриалды өсім, «Нұрлы болашақ» ұлттық жобасын әзірлеу, есептік мемлекет осы бағыттардың барлығының нәтижесін көріп жатырмыз», - деді Р.Әкімов.
Депутат нақты халыққа, елімізге аса маңызды екі бағдарламаға тоқталды.
«Ол «Нұрлы жер» және «Нұрлы жол» бағдарламалары. Елбасының бастамасын құрылған бұл бағдарламалар тиімді көрсеткіштерге қол жеткізуге мүмкіндік берді. Бағдарламада халыққа маңызды әлеуметтік мәселелер қаузалған. Ел экомномикасының тұрақтылығы қомақты бағдарламаларды жүзеге асыруға мүмкіндік беріп отыр», - деді депутат.
Депутат айтқандай, «Нұрлы жер» бағдарламасы халықты баспанамен қамтуды қарастырады.
« Елде әлі де болса баспана мәселесі күрделі болып отыр. Елбасы осыған орай мәселенің шешілуін қарастыратын бағдарламаны жүзеге асырды. Бұл жалға беру және ипотекалық тұрғыда баспанаға қол жеткізуге мүмкіндік береді. Бағдарлама бойынша 9 млн шаршы метр үй салынды. Бағдарламаның тиімді тұстары өте көп», - деді Р.Әкімов.
Айта кетейік, «Стратегия» пікірталас клубы алаңында Қазақстан Президенті Нұрсұлтан Назарбаевтың ел экономикасын дамытуға бағытталған құжаттарды әзірлеудегі бастамашылдығы,Н.Назарбаевтың аумақтарды дамыту және ауылшаруашылығы саласын реформалаудағы бастамалары, Модернизация 3.0, 100 – нақты қадам, «Нұрлы жол», «Нұрлы жер» және басқа да мемлекеттік бағдарламаларды дайындатудағы Елбасының батыл қадамдары, Биыл елімізде өткен ірі халықаралық, саяси-экономикалық шаралардағы Елбасы Н.Назарбаевтың Ұлт көшбасшысы ретіндегі рөлі мәселелері талқыланды.
Аягөз Құрмаш
