ҚР Президенті Қазақстанның АҚШ-тағы елшісімен келесі жылдың басында жасалатын сапарды талқылады
27 Қараша, 2017 16:14
Елбасы Қазақстанның Америка Құрама Штаттарындағы елшісі Ержан Қазыхановты қабылдады, деп хабарлады Ақорданың баспасөз қызметі.
Кездесуде Қазақстан Президентінің келесі жылдың басында Америка Құрама Штаттарына жасалатын сапарына қатысты жүргізіліп жатқан дайындық барысы жөнінде Мемлекет басшысына баяндалды.
Нұрсұлтан Назарбаев алдағы сапардың маңыздылығына тоқталып, оның аясында жоғары деңгейде бірқатар маңызды кездесулер өтіп, БҰҰ Қауіпсіздік Кеңесінің жұмысына қатысу жоспарланып отырғанын айтты.
Мемлекет басшысы кездесу соңында бірқатар нақты тапсырма берді.
