Алматы облысында Тұңғыш Президент күніне орай 35 әлеуметтік нысан ашылады
24 Қараша, 2017 09:12
Алматы облысында Тұңғыш Президент күні және Қазақстан Республикасы Тәуелсіздік мерекесі қарсаңында 100 жаңа нысан ашылады, деп хабарлады облыс әкімдігінің баспасөз қызметі.
Мерекелерге тарту ретінде мектептер, балабақшалар, тұрғын үйлер, денсаулық сақтау, мәдениет және спорт нысандары, учаскелік инспекторлардың тұрғын үйімен бірлесіп салынған полиция тірек пункттері және басқа да жаңа нысандар ел игілігіне берілетін болады.
Тұңғыш Президент күніне орай 35 әлеуметтік нысан ашылса, қалған объектілер еліміздің Тәуелсіздік мерекесі қарсаңында сол нысандарға қажеттілігі бар облыс аймақтарында есігін айқара ашатын болады.
