Үкімет

2019 жылдан бастап Қазақстанның медициналық ұйымдары қағазсыз құжат айналымына көшіріледі

ҚР Үкіметіндегі баспасөз конференциясы барысында денсаулық сақтау вице-министрі Алексей Цой 2019 жылдан бастап Қазақстанның медициналық ұйымдары қағазсыз құжат айналымына көшірілетінін айтты.
Астана қаласы 22 Қараша, 15:52

А. Цойдың айтуынша, бүгінгі таңда Қазақстанда денсаулық сақтау саласында электронды құжат айналымына көшудің бірізді үдерісі жүріп жатыр.

«Дәрігерлер мен мейірбикелер 2008 жылдан бастап науқастар туралы барлық мәліметтерді ақпараттық жүйелерге енгізеді. Осылайша, бүгінгі таңда ҚР ДСМ ақпараттық жүйелерінде науқастар туралы 10 терабайттан астам ақпарат бар. Науқастардың өзіне келер болсақ, олар сондай-ақ медицинада көбіне цифрлық әдістерді таңдайды», — деді вице-министр.

Мысалға, өңірлерде тұрғындардың шамамен 30% қабылдауға электронды түрде жазылады, 40% – телефон арқылы хабарласады, 30% – әлі де емханаға келіп, тіркеу бөлімі арқылы жазылады. Бірақ, бұл динамиканың өзі тіркеу бөліміндегі жүктемені айтарлықтай азайтады

2017 жылдың соңына дейін Қазақстанның медициналық мекемелерінің шамамен жартысын автоматтандыру жоспарланған. Келесі жылдан бастап Қазақстанның пилоттық төрт өңірінде қағазсыз құжат айналымына кезең-кезеңмен көшу жүзеге асырылады.

Қайрат Жандыбаев 

Фото: Азамат Әлиев 





Яндекс.Метрика