21 Қараша, 2017 11:14

Жеңіс Қасымбек қазақстандық өңделген тауарға қызығушылық танытқан елдерді атады

Қазақстан алғаш рет электровоздарды, тепловоздарды Түркіменстан, Тәжікстан, Әзірбайжан, Қырғызстан, Украина елдеріне экспорттайды. Қазақстанда жиналған автокөліктер Тәжікстанға, Өзбекстанға, Қырғызстанға, Қытайға экспортталады. Бұл туралы ҚР Инвестициялар және даму министрі Жеңіс Қасымбек Үкімет отырысында мәлімдеді.

Бүгінгі таңда Қазақстан экспорттаушы елдердің ішінде 52-ші орынға ие.

«Барлығы біз әлемнің 113 еліне 800-ден астам өндірістік өнім шығарамыз. Біз уран, мыс, титан, ферроқорытпа, сары фосфор, ұн, мақта майы, бидай, зығыр тұқымын жеткізу бойынша әлемдік көшбасшыларымыз. Соңғы 5 жылда экспорттың сапалық құрылымы едәуір жақсарды, ал шет елдерде жеткізілетін өнімнің үштен бірі экономиканың шикізаттық емес секторына тиесілі», - деді Ж.Қасымбек.

Министр атағандай, 2017 жылдың 9 айының қорытындысы бойынша өңделген тауарлар экспорты 22% -ға артып, 11,1 млрд. АҚШ долларын құрады.

«Ферроқорытпаларды, мұнай өнімдерін, мыс, металл бұйымдары, пропан мен бутан, мырыш жеткізілімдері ұлғайды. Экспорттың жалпы көлеміндегі өңделген тауарлардың үлесі 32% -ды құрайды, бұл 2012 жылмен салыстырғанда 7% -ға жоғары (2010 жылмен салыстырғанда 4% -ға артық - бұл ИИДМБ-ны іске асырудың басы)», - деді министр.

2017 жылғы 9 айдың қорытындысы бойынша сауда көлемі 26% артып, 55,4 млрд. АҚШ долларын құрады.

«Энергия бағасының өсуіне және металлургиялық өнімдерге байланысты экспорт 31 пайызға артып, 34,5 млрд. АҚШ долларға жетті, ал тонна көлемінде экспорт 4% артты.Жолаушылар вагондары, рельстер мен қазақстандық әскери-өнеркәсіп кешенінің өнімдерін экспортқа шығару бойынша жұмыстар жүргізілуде», - деді Ж.Қасымбек.

Отандық өндірістің трансформаторларын жеткізу көлемі 60% -ға өсті. Экспорт көлемі 21 млн. АҚШ долларын құрайды.

Жақында іске қосылған Орал трансформатор зауыты өз өнімдерінің 96% шетелге экспорттайды. Сондай-ақ, аккумуляторлардың 1,2 млн. данасын экспортқа ұлғайту үрдісі байқалады, шамамен 35 млн. АҚШ доллары. Аккумуляторларды Таяу Шығыс, Кавказ және Белоруссия елдеріне экспорттауға кірісті.

« Фармацевтикалық нарықта жағымды үрдіс байқалады, ішкі тасымалдау көлемі 34% -ға, 19 млн. АҚШ долларына артты. Негізгі сауда нарықтарынан басқа, фармацевтикалық және медициналық өнімдер алдымен Моңғолия мен Вьетнамға экспортталды. Металлургия және химия өнімдері сату нарығын кеңейтіп, АҚШ пен Еуропаның нарықтарына шығуда», - деді ол.

Ресей, Орталық Азия және Қытай өңделген Қазақстандық өнімдердің негізгі нарығы болып қала береді.

Осыған дейін министр 2017 жылы Ресейде тек қазақстандық өнім шығаратын 20 мамандандырылған дүкен ашылды.

Ақбота Күзекбай

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды