20 Қараша, 2017 20:32

Маңғыстау әлеуметтік және экономикалық жағынан жедел өсіп келе жатқан өңір

«Нұр Отан» партиясы төрағасының бірінші орынбасары Мұхтар Құл-Мұхаммед Маңғыстау облысында барды. Сапар барысында ол заманауи технологиямен жабдықталған теңіз суын тұщытатын бірегей зауыттың жұмысымен танысты. Сондай-ақ, Мұхтар Құл-Мұхаммед еліміздегі ең ірі нан комбинатының ұжымымен кездесті.

Аймақ әкімдігінен хабарлағандай, Елбасының тапсырмасымен «Нұр Отан» партиясы маңызды мемлекеттік бағдарламалардың жүзеге асырылу барысына ұдайы бақылау жүргізіп келеді. Соған орай мемлекеттік қаржының тиімді жұмсалуына көз жеткізу үшін партия Төрағасының Бірінші орынбасары облысқа арнайы келді. Тек «Нұрлы жол» бағдарламасы бойынша 2017 жылы Маңғыстау облысына 80 миллиард теңге көлемінде қаражат бөлінді. Бүгінде бұл қаржыға тұрғын үй-коммуналдық шаруашылық нысандары жаңғыртылып, мектептер мен балабақшалар салынуда және өңірдің көлік инфрақұрылымы да қарқынды дамуда.

«Биылғы шілде айында мұнда жаңғыртудың бірінші кезеңі аяқталып, «Нұрлы жол» бағдарламасы бойынша 3 миллиард теңге бөлінген. Мемлекет қаржысы «Сиеменс» жаңа неміс қондырғыларын сатып алуға жұмсалып, жаңғыртудың нәтижесінде зауыттың өндірістік қуаты бірден 3 есеге дейін артқан. Бүгінде аталған кәсіпорын өңірдегі сұраныстың 25 пайызын таза ауыз сумен қамтамасыз етіп отыр» - деді, Ералы Тоғжанов.

Кәсіпорында теңіз суынан кері осмос әдісімен Қазақстанның санитарлық-эпидемиологиялық талаптары мен ережелеріне толық жауап беретін таза ауыз су алынады. Келесі жылы жаңғыртудың екінші кезеңін бастау жоспарлануда. Соның нәтижесінде кәсіпорынның өндірістік қуаты тәулігіне 40 мың текше метр су өндіруге жетпек. Бұл дегеніңіз облыс халқы тұтынатын ауыз судың жартысын құрайтын меже.

Мемлекеттік қолдаудың арқасында Маңғыстау облысында жемісті жұмыс істеп тұрған кәсіпорындардың тағы бірі – «Мағаш нан» ЖШС. Бұл серіктестік тек облыста ғана емес бүкіл еліміз бойынша ең ірі нан комбинаты болып табылады. Бүгінде мұнда ұннан дайындалатын кондитерлік, нан және макарон өнімдерінің 150-ден астам түрі шығарылады. Кәсіпорынның еңбек ұжымымен кездескен Мұхтар Құл-Мұхаммед қазіргі заманғы неміс технологиясының жұмысымен танысты. Аталған комбинат «Бизнестің жол картасы-2020» бағдарламасы аясында мемлекеттен 6 миллиард теңге көлемінде қаражат алған. Осындай қолдаудың нәтижесінде өндіріс орны жергілікті 224 адамды тұрақты жұмыспен және жалақымен қамтамасыз етіп отыр.

Маңғыстау облысы еліміздегі ең басты мұнай өндіретін өңірлердің бірі екені белгілі. Сонымен қатар бүгінде облыста қайта өндеу өндірісінің де өсу қарқыны анық байқалады. Тек биылдың өзінде индустриалды-инновациялық даму мемлекеттік бағдарламасы бойынша облыста жалпы сомасы 70 миллиард теңгеден асатын жеті ірі жобаны жүзеге асыру жоспарланып отыр.

Сондай-ақ, «Нұр Отан» партиясы Төрағасының Бірінші орынбасары өңірдегі өндіріс орындарына білікті мамандар даярлайтын Маңғыстау политехникалық колледжінде болды. Қазіргі таңда бұл білім ошағы еліміздегі ең үздік он орта арнайы оқу орындарының қатарында. Мұнда дәнекерлеуші, мұнай және газ кен орындарын пайдалануға беру, токарь, металл өндеу сияқты облыста жоғары сұранысқа ие 20 мамандық бойынша мамандар даярлайды. Колледжде 71 оқу кабинеті, 6 шеберхана және 9 лаборатория жұмыс істейді. Барлық кабинет заманауи қондырғылармен жабдықталған. Соның ішінде бұрғылау жұмысының, автомабильдің және дәнекерлеу ісінің виртуальді жаттығу құралдарын ерекше атап өткен жөн. Одан бөлек, фрезер, токарь станоктары мен 7 компьютер сыныбы және интерактивті тақтамен жабдықталған 64 кабинет бар.

Студентермен кездесуінде Мұхтар Құл-Мұхаммед Елбасының Қазақстанды Үшінші жаңғыртуға арналған тапсырмаларын орындаудың маңызына тоқталып, еліміздің кемел келешегі туралы айтты. Сондай-ақ, ол Мемлекет басшысы жүктеген міндеттерді жүзеге асыруда өңірдің белсенділігіне назар аударды. Мәселен аталған колледжде жастар дуальді жүйе бойынша білім алуда. Ал әлеуметтік серіктестік аясында бұл оқу орны қазірдің өзінде түлектерін жұмысқа орналастыру жөнінде 56 кәсіпорынмен меморандумға қол қойған.

«Маңғыстау экономикалық жағынан да, демографиялық жағынан да жедел өсіп келе жатқан өңір. Сондықтан бұл облысқа білікті мамандар көптеп қажет. Қазір мына біз тұрған колледжде екі мыңнан астам жас талапкер дуальді жүйе бойынша мамандық игеруде. Солардың ішінде Елбасы тапсырмасымен жүзеге асырылып жатқан «Сәтті қадам» бағдарламасымен келгендер де аз емес. Өңірде көбінесе табысты болашақ дәл осындай алғашқы сәтті қадамнан басталады», – деді Мұхтар Құл-Мұхаммед.

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды