• Басты
  • Жапондық кәсіпкерлер АЭА-да жобаларды жүзеге асыру мүмкіндігін зерттеді
20 Қараша, 2017 11:16

Жапондық кәсіпкерлер АЭА-да жобаларды жүзеге асыру мүмкіндігін зерттеді

Қарағандыда әлеуетті инвесторларға еліміздің Арнайы экономикалық аймақтарын таныстырған форум өтті, деп хабарлады облыс әкімдігінің баспасөз қызметі.
Жапондық кәсіпкерлер   АЭА-да жобаларды жүзеге асыру мүмкіндігін зерттеді

Форумға Жапониядан келген делегация және Қазақстандағы ірі халықаралық компаниялардың өкілдері қатысты. Шет елдік қонақтар қазақстандық әріптестерімен жақынырақ танысып, ортақ қызығушылықтарды анықтап байланыс ортану мақсатында келген екен.Халықаралық форумды Қарағанды облысы әкімдігінің қолдауымен «Kazakh Invest» Ұлттық компаниясы ұйымдастырды. 

«Біз АЭА және индустриалды аумақтарға арналған осындай форумды алғаш рет өткізіп отырмыз. Оның мақсаты – тәжірибе алмасу және инвесторларды іздеуге көмектесу. Мұнда алыс шет елдерден келген қонақтар бар, ауқымды жапондық делегация келді», - деді «Kazakh Invest» ҰК АҚ басқарма төрағасының орынбасары Біржан Канешев.

Бүгінгі род-шоу республикамыздың АЭА басқару компаниялары, АЭА резиденттері, құзырлы мемлекеттік органдар тарапына да, әлеуетті отандық және шет елдік инвесторлар жағына да тікелей келісімсөз жүргізуге арналған алаң болып табылады. 
Жапондық бизнесмендер серіктестік құруға қызығушылық танытты. 

«Қазақстан – инвестициалық әлеуеті зор ел. Жапония мен Қазақстан арасында сауда саласында өте жақсы қарым-қатынас орнаған – нәтижелілік 9 есе өсті. Алайда инвестициялық серіктестік соншалықты белсенді емес.Біз инвестициялық серіктестік орнату үшін басым бағыттарды таңдап алдық. Ол – сумен қамту, суды тазарту саласындағы экология мен технология», - деп атап өтті ROTOBO Ресей және ТМД экономикасының ҒЗИ директоры Мики Вадзима.

Бұл кездесу қазақстандық әріптестермен жақынырақ танысуға, өзара тиімді байланыс орнатуға мүмкіндік береді. 

Форумда Қазақстанның АЭА электронды интерактивті картасының сынама түрі таныстырылды. Ол қарағандылық «Сарыарқа» АЭА негізінде құрылған. Каратада қолжетімді, бос жер телімдері, компаниялардың байналыс мәліметтері келтірілген. Интерактивті база инвестициялық жобаның жүзеге асу деңгейін және инфрақұрылымдар құрылысының кезеңдерін көруге мүмкіндік береді. 

Шет елдік қонақтарға Алматы, Қарағанды, Шымкент және Павлодар қалаларының АЭА таныстырылды. Сонымен қатар «Сарыарқа» АЭА-да жүзеге асырылған сәтті жобалардың бірі – «RecyclingCompany» ЖШС-нің ескі көліктерді жоюмен айналысатын зауыты көпшілік назарына ұсынылды. 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды