Астанада «Ғарыштық белгілер» көрмесі өтуде (ФОТОРЕПОРТАЖ)

17 Қараша, 2017 16:13

«Мәңгілік Ел» қақпасы ғимаратында ЮНЕСКО халықаралық стандарттары бойынша ғылым және өнер докторы, арт-терапевт, ҚР Суретшілер одағының мүшесі, суретші, ақын Бақтыбек Талқамбаевтың «Космические знаки» («Ғарыштық белгілер») атты жеке көрмесі өтті.

Көрме Астана қаласының ескерткіштерді және тарихи-мәдени мұра нысандарын сақтауды қамтамасыз ету дирекциясының қолдауымен «Болашаққа бағдар: «Рухани жаңғыру» бағдарламасы аясында ұйымдастырылды.

Автор өнер арқылы психологиялық оңалту әдістемесін жасап шығарған. Бақтыбек Талқамбаевтың әдістемесі кез-келген жастағы адамның шығармашылық әлеуетін дамытуға қабілетті.

Бір күні жанымда қолына қарындашты алғаш ұстаған біреу сурет салам деп қалды. Бәрі де содан бассталды. Қарапайымнан бастап күрделіге өту арқылы көпке қол жеткізуге болады. Біруақытта ол адам ішштейй өзгере бастағанын байқады, мінезі салмақты, өмірге риза болып, қорқыныш-үрейінен арылды, жағымсыз ойлары кетіп, басының ауырғаны қойды. Сонда маған індетінен арыла алмай жүрген науқас адамдар келе бастады.Олардың салған суреттерін көру керек. Бастапқы суреттер дәрменсіз, жасық, ұялшақ болады. Бірақ суретті көп салған сайын, оның шығармашылық шабыты ашыла түседі, - дейді суретші Бақтыбек Талқамбаев.

Бақтыбек Талқамбаев өзінің шығармашылық жолын 70-ші жылдардың ортасында Шымкент қ. Және Оңтүстік Қазақстан облысында сәулетші мен суретші, сәулетті, монументалды және безендіру өнерін дамытудағы шығармашылық процессті басқарушы және ұйымдастырушы болып бастаған. Бірақ бірте-бірте суретші ретінде оңаша шығармашылықпен айналыса бастады. Талқамбаев өзінің өнердегі орнын іздейді. Сол замандағы заттық композициялар стилінен бастап, ол біртіндеп ата-бабаларының ою-өрнектер салт-дәстүрін жаңа деңгейде, Әлем-Руханият-Тұлға координаттар жүйесінде адам өмірінің миссиясын жаңаша түсінікпен жалғастыруды жөн көреді.

Суретші бүкілодақтық және республикалық көрмелерге қатысқан. Автордың көптеген еңбектері барша әлем бойынша (Жапония, АҚШ, Англия, Франция, Болгария, Норвегия, ТМД мемлекеттері) өнер сүйер қауымның жеке коллекцияларынан лайықты орындарын тапты.