16 Қараша, 2017 17:34

ҚР ИДМ еліміздегі автомобиль жолдарының бүгінгі жағдайы туралы айтып берді

ҚР Инвестициялар және даму министрлігінің Медиа-орталығында еліміздегі автомобиль жолдарының қазіргі жағдайы, ақылы жол жүйесін енгізу және жол бойындағы қызмет көрсетуді дамыту мәселелеріне арналған баспасөз мәслихаты өтті.

«Бағдарлама алдағы бес жыл ішінде құрылыстың бес негізгі бағытын тең дамытуды көздейді. Бұл – Орталық - Солтүстік, Орталық - Шығыс, Орталық - Оңтүстік, Орталық - Батыс және Алматы – Шығыс автожол жобалары. 2015-2016 жылдарға арналған «Нұрлы жол» мемлекеттік бағдарламасын іске асыру басталғаннан бері республикалық маңызы бар 2 мың шақырым автокөлік жолдары салынып, қайта жаңартылуда. Оның ішінде 1,3 мың шақырым жол 1 және 2 техникалық санат параметрлері бойынша пайдалануға берілді. «Батыс Еуропа - Батыс Қытай» халықаралық транзиттік дәлізі, Астана-Теміртау, Алматы-Қапшағай, Көкшетау-Петропавл учаскелері толығымен аяқталды»,-деп атап өтті Амангелді Беков.

Ол атап өткендей, бағдарлама аясында жүргізілген жұмыстардың нәтижелері бойынша жақсы және қанағаттанарлық жағдайдағы жолдардың үлесі 85% -ға дейін жетті. Биыл бағдарлама Орталық-Оңтүстік, Орталық-Шығыс, Бейнеу-Ақтау, Ақтөбе-Атырау, Қапшағай-Талдықорған, Астана-Петропавл және Орал-Каменка жобаларының құрылыс жұмыстарын жалғастырды. Олардың жалпы ұзақтығы 1,2 мың шақырым. Сонымен қатар, ұзақтығы 2,5 мың шақырым болатын Қандыағаш-Мақат, Жетібай-Жаңаөзен, Құрты-Бурылбайтал, Талдықорған-Өскемен, Меркі-Бурылбайтал, Калбатау-Майқапшағай, Үшарал-Достық, Бейнеу-Ақжігіт, Таскескен-Бақты, Осинов асуы, Щучинск – Зеренді жаңа жобаларын іске асыру басталды. Жыл аяғына дейін жалпы ұзақтығы 0,7 мың шақырым болатын Ақтөбе-Қандыағаш, Атырау-Астрахань, Ұзынағаш-Отар, Астана қаласының Оңтүстік-Батыс айналма жолы, Қостанай-Денисовка айналмалы жолдарының жобалары бойынша шарттарды бекіту және дайындық жұмыстарын бастау жоспарланып отыр. Осы жобалардың арқасында шамамен 9 мың жаңа жұмыс орны ашылады.

«Жылдың қорытындысы бойынша I және II техникалық санат параметрлері бойынша 600 шақырым жолды және Бейнеу-Ақтау және Алматы-Талдықорған автожолдарын қалпына келтіру жұмыстарын аяқтау жоспарланып отыр», - деп түйіндеді А.Беков.

Қайрат Жандыбаев

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды