16 Қараша, 2017 12:46

Токио астаналық орталық кітапханасында Қазақстан әдебиеті және мәдениеті орталығы ашылды

«Рухани жаңғыру» бағдарламася аясында Токио астаналық орталық кітапханасында Қазақстан әдебиеті және мәдениеті орталығы ашылды.

Ruh.kz хабарлағандай, Астана қаласындағы Қазақстан Республикасы Ұлттық академиялық кітапханасы 2016 жылдан бастап шетелдердің Ұлттық кітапханаларында Қазақстан әдебиеті мен мәдениеті орталығын ашу халықаралық жобасын іске асыруда. Қазіргі кезде әлемнің 11 елінде: Корея, Қырғыстан Республикасы, Финляндия, Венгрия, Малайзия, Түркия, Қытай Халық Республикасы, Грузия, Францияда Орталықтар ашылып қызмет етіп жатыр.

«Қазақстан әдебиеті орталығының ашылуы Токио астаналық орталық кітапханасы оқырмандарына қазақ халқының салт-дәстүрі, мәдениеті, өнерімен жақын танысуға мүмкіндік береді. Бұл Тәуелсіз Қазақстанның жетістіктері мен оның экономика, саясат, әлеуметтік салалардағы табыстарын көпшілікке таныстыруға жол ашады», - деп атап өтті қатысушылар.

Орталықта Қазақстан Республикасының Президенті Нұрсұлтан Әбішұлы Назарбаевтың, соның ішінде, Елбасының әлемдік саяси аренадағы орны мен рөліне арналған кітаптары, тарих, ғылыми-көпшілік және көркем әдебиеті бойынша кітаптар ұсынылады. Барлығы 200-ге жуық кітап тапсырылды. Бұл кітаптар жапон оқырмандары арасында үлкен қызығушылыққа ие болып, қазақтын бай мәдени мұрасын тануға мүмкіндік берері сөзсіз.

Қазақстан әдебиеті мен мәдениеті орталығы Қазақстан Республикасының Мәдениет және спорт министрлігі, Сыртқы істер министрлігі, Қазақстан Республикасының Жапониядағы Елшілігінің ықпалдасуымен ашылды.

Естеріңізге сала кетейік, Токио астаналық орталық кітапханасы 1973 жылы Токио астаналық кітапханасы ретінде құрылды. Оның қорында 1,98 миллионға жуық кітап, 6000 журнал мен газет, әртүрлі аудиовизуалды және сирек құжаттар (Ukiyo-e мен Эдо мұнарасының архитектуралық эскиздері) бар. Сонымен қатар, Орталық кітапхана Токиодағы қоғамдық кітапханалардың арасында шетел әдебиетінің айрықша коллекцияларын сақтаған. Бұл коллекция Орталық кітапханада бар жалпы қордың 1,71 миллион томның оннан бір бөлігін құрайды.

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды