• Басты
  • М.Жайымбетов «Нұрлы Жер» бағдарламасын жүзеге асырудың 10 айдағы нәтижелері туралы баяндады
16 Қараша, 2017 10:56

М.Жайымбетов «Нұрлы Жер» бағдарламасын жүзеге асырудың 10 айдағы нәтижелері туралы баяндады

Орталық коммуникациялар қызметінде ҚР Инвестициялар және даму министрлігі Құрылыс және тұрғын үй-коммуналдық шаруашылық істері комитетінің төрағасы Мархабат Жайымбетовтың қатысуымен баспасөз конференциясы өтті. Баспасөз конференциясында спикер өткен 10 айдағы «Нұрлы Жер» бағдарламасының жүзеге асу нәтижелері туралы баяндады.
М.Жайымбетов  «Нұрлы Жер» бағдарламасын  жүзеге асырудың 10 айдағы  нәтижелері туралы баяндады

«8,8 млн. шаршы метр тұрғын үй пайдалануға берілді. Бұл өткен жылдың сәйкес кезеңімен салыстырғанда 9,5%-ға артық. Бағдарламаның жылдық жоспарына орай тұрғын үйлерді пайдалануға беру көлемі 87%-ға орындалды. Барлығы 69,9 мың баспана салынды»,-деп атап өтті Мархабат Жайымбетов.

Ағымдағы жылдың 1 қыркүектегі жағдайы бойынша әкімдіктерде тұрғын үй алуға кезекте тұрған адамдардың саны 458,4 адамды құрады.

Кезекте тұрған адамдардың баспанаға мұқтаждылардың ең көп үлесі Оңтүстік Қазақстан облысында (11,8%), Астана қаласында (10,3%), сондай-ақ  Алматы, Қарағанды және Шығыс Қазақстан облыстарында (8,3%-6,8%) байқалады.

Соған сәйкес, тұрғын үйлерді пайдалануға беру бойынша алдыңғы қатарда Астана, Алматы қалалары мен Маңғыстау, Атырау және Оңтүстік Қазақстан облыстары орналасып тұр.

Есбол Социалхан

 

Барлық жаңалықтар