2014 жылы Ақмола облысының 14 денсаулық сақтау нысанына күрделі жөндеу жүргізіледі

«2014 жылы 14 денсаулық сақтау нысанына күрделі жөндеу жоспарланды. Соның ішінде 11 нысанның жөндеу жұмыстары «Жұмыспен қамтудың жол картасы-2020» бағдарламасы аясында іске асырылды», - делінген акиматта.

2013 жылы өңірде мемлекеттік бюджет есебінен 33 денсаулық сақтау нысаны жөнделді.

Жалпы, 2013 жылы денсаулық сақтау нысандарының күрделі және ағымдағы жөндеу жұмыстарына, медициналық құрылғылар алуға республикалық және облыстық бюджеттен 1,91 млрд теңге бөлінді.

«Өткен жылы 13 санитарлық автотранспорт, 14 медициналық қызмет көрсету машинасы, 3 компьютерлік томограф пен 13 реанимобиль алынды», - деп нақтыланған хабарламада.

Сонымен қатар, 1,4 млрд теңгеден астам қаражатқа 55 медициналық, 11 технологиялық, 50 оргтехникалық құрылғылар жаңартылды.