Астанада тәжірибе алмасу бойынша Оңтүстік-Оңтүстік симпозиумы өтіп жатыр (ФОТОРЕПОРТАЖ)

14 Қараша, 2017 12:07

Астанада даму мен экономикалық әртараптандыру, ТДМ негізінде Африкадағы индустриаландыру бойынша тәжірибе алмасу бойынша Оңтүстік-Оңтүстік жаһандық симпозиумы өтіп жатыр. Шараға 40 африкалық үкімет өкілі, зерттеу орталықтарының мүшелері мен даму институттарының өкілдері қатысты.

«Бүгінгі симпозиумның мақсаты африкалық континентте реформаны қолдауға негізделген. Өздеріңіз білетіндей, Мемлекет басшысы БҰҰ қауіпсіздік кеңесіндегі саяси үндеуінде біздің қауіпсіздік кеңесіндегі жұмыстың 7 басым бағытын анықтап берді. Оның біреуі Африкаға көмектесу болып табылады. Африка БҰҰ қауіпсіздік кеңесі жұмысының басым бөлігін алып жатыр. Сондықтан, әлемде тұрақтылық болмай, даму болмайды деген ұғымға келдік», - деді Сыртқы істер вице-министрі Ержан Ашықбаев.

Айта кетейік, соңғы онжылдықта Сахараның оңтүстігінде тұрақты экономикалық өсім байқалып отыр. Кабо-Верде, Эфиопия, Маврикий, Руанда және ОАР құрылымдық экономикалық түрленуде үлкен жетістікке жетті. 2015 жылдан бастап Африкадағы экономикалық өсім 3 пайызға төмендеді, ол шикізат ресурстарына бағаның төмендеуімен байланысты болып отыр.

Қайрат Жандыбаев

Фото: Азамат Әлиев

Барлық жаңалықтар