2014 жылдың соңына дейін Қазақстанда 7 үй құрылысы комбинаты енгізіледі – А. Рау
14 Қаңтар, 2014 12:40
Қазақстанда 2014 жылдың соңына дейін 7 үй құрылысы комбинатын қолданысқа енгізу қарастырылып отыр. Бұл туралы Үкімет отырысында Индустрия және жаңа технологиялар министрінің бірінші орынбасары Альберт Рау хабарлады.
« Ағымдағы жылы 7 жобаны жүзеге асыру жоспарланған, оның 5-уі бірінші жартысында жүзеге асырылса, 2-уі екінші жартысында орындалмақ», - деді А. Рау.
Оның айтуынша, 2013 жылы қолданысқа 7 зауыт енді.
«Құрылыс индустриясы «Қолжетімді баспана-2020» бағдарламасының қажеттілігін қарастырады. Негізгі сұрақ ретінде құрылыс материалдарының ену қуаттылығы олардың сапасы мен тиімділігі қарастырылған», - деді Альберт Рау.
Жалпы, индустриалды құрылысты дамыту аясында республика бойынша 17 үй құрылысы комбинатын жүзеге асыру жоспарланған. Оның жобалық ауқымы 1,5 млн шаршы метр.
