• Басты
  • «Нұр Әлем» тұрақты режимде жұмыс істейтін болады – А.Есімов (ФОТО)
10 Қараша, 2017 18:29

«Нұр Әлем» тұрақты режимде жұмыс істейтін болады – А.Есімов (ФОТО)

ЭКСПО-2017 нысандарын көрмеден кейін қолдану туралы «Астана ЭКСПО-2017» ҰК» АҚ төрағасы Ахметжан Есімов ЭКСПО-дағы туристік аймақты таныстыру барысында айтып берді.
«Нұр Әлем»   тұрақты режимде жұмыс істейтін болады – А.Есімов (ФОТО)

«Көптеген көрмелердің  нысандары  шара аяқталған соң  коммерциялық нысанға айналады немесе таратылады. Мәселен, Миланда өткен соңғы көрмеде  солай болды.  Біздің де павильон ол көрмеге қойылды, кейін жинап алынды. Оған дейін болған ЭКСПО көрмелерінің нысандары  коммерциялық нысанға берілді.  Президенттің идеясы – көрме перспективаға бағытталуы керек. Бұл болашаққа салынған инвестиция, капиталды дамыту жолы. Елбасының салиқалы  тұжырымдамасының тиімділігін    нысандардың  қолдану шешімі көрсетіп отыр», - деді А.Есімов.

ЭКСПО көзі ретінде «Нұр Әлем», Энергия холы, конгрес-орталық, үздік тәжірибе аймағы, тақырыптық  және коммерциялық павильондар  сақталды.  

«Ертең барлық аталған нысандар  толық режимде жұмыс істейтін болады.  Көрменің басты көрнекі орны «Нұр Әлем» павильоны болды. Сфера ретіндегі  шынылы  бірегей  нысанның  ұзындығы 100 метр.Оны   1 млн  300 мың адам тамашалады. «Нұр Әлем» тұрақты түрде болашақтың энергия музейі ретінде жұмыс істейтін болады. Біздің «Нұр Әлем»Париждегі Эйфель мұнарасы  немесе Брюссельдегі «Атомиум»  нысаны сияқты белгілі болады деген үміттеміз», - деді А.Есімов.

Сондай-ақ, үздік тәжірибелер аймағында 13 елдің   24 үздік әлемдік  жобасы  ЖЭО саласында таныстырылды. Арт-орталық  өз жұмысын заманауи өнер орталығы ретінде жалғастырады.

Ол айтып өткендей, тұрғындар мен қала қонақтарына арналған қызмет көрсетудің қажетті инфрақұрылымымен мұз айдыны ашылады. Әкімдік мұз айдыны мен еліміздің бас шыршасының құрылысын жоспарлап отыр.

Ақбота Күзекбай

Фото: Азамат Әлиев 

Барлық жаңалықтар