• Басты
  • Жыл сайын Ресей ТЖМ ЖОО-на 25 қазақстандық курсант түседі

Жыл сайын Ресей ТЖМ ЖОО-на 25 қазақстандық курсант түседі

14 Қаңтар, 2014 12:26
Өзара ынтымақтастық туралы екіжақты келісімге сай, Ресей ТЖМ ЖОО-на жыл сайын 25 қазақстандық курсант оқуға қабылданады, деп хабарлайды ҚР ТЖМ баспасөз қызметі.

«Аталмыш оқу орындарының түлектері Қазақстанның құтқару тәжірибесіне жаңа технологиялар мен жаңалықтар алып келеді. Биылғы жылдан бастап қазақстандық 10 курсант Беларусь ТЖМ Командалық-инженерлік институтында білім алатын болады», - делінген хабарламада.

Сонымен қатар, 2012 жылдан бастап қазақстандық-қырғызстандық үкіметаралық келісімге сай Көкшетау техникалық институтында Қырғызстан азаматтары білім алады.

Айта кету керек, Көкшетау ТЖМ техникалық институтында бұрындары тек қана өрт сөндіру қызметі ғана оқытылатын. Ал қазіргі кезде мұнда «ТЖ қорғау» және «Азаматтық қорғаныс пен әскери дайындық» мамандықтары оқытылады.

Институт базасында түрлі категориялар бойынша министрліктің қызметкерлерінің біліктіліктерін көтеру және қайта даярлау курстары өткізілдеі. 1997 жылдан бастап оқу орнында 3200-ден астам маман даярланса, 1700-дей қызметкер біліктіліктерін көтеріп, қайта даярланған.

Барлық жаңалықтар