Өңірлік даму министрлігі 3 және 4 деңгейлі үйлер құрылысының бағасын көтереді

14 Қаңтар, 2014 12:17

Өңірлік даму министрлігі «Қолжетімді баспана-2020» бағдарламасына өзгерістер мен толықтырулар жобасын дайындап, 3 және 4 сыныпты үйлердің құрылысы бағасын көтеретін болды, деп мәлімдеді Өңірлік даму министрі Болат Жәмішев Үкіметтің отырысында.

«4 сыныпты үйлердің құрылысы құнын шаршы метріне 80 мыңнан 90 мыңға көтеру, 3 сыныпты үйлердің құрылысы құнын шары метріне 90 мыңнан 100 мыңға арттырылады. Ал құрылыс корпорациялары бойынша 4 сыныпты үйлер 110 мыңнан 115 мыңға, 3 сыныптар 120-тен 125-ке артады», - деді министр.

Оның айтуынша, жергілікті бюджеттен бірігіп қаржыландыруда шектеулерді алып тастауды енгізу жоспарлануда. Сонымен қатар, мемлекеттік-жеке меншік әріптестік құралдары тартылмақ. Бұл шаралар қазіргі таңдағы шаршы метр тұрғын үйдің құрылыс құнына сәйкес келмеуінен туындап отыр.

Сонымен қатар, Өңірлік даму министрі тиісті мемлкеттік органдар өкілдерінен тұратын жұмыс тобы қабылданғанын айтты. Бұл құралдарды кірпіштен салынған бес қабатты сыныпты үйлердің құрылысы құнынан есептеп шығарды.

«Сараптама қорытындысы көрсеткендей, кірпіш үйлердің шаршы метрі 2011 жылғы баға бойынша 90,8 мың теңге болған. Ал 2013 жыл бұл көрсеткіш 102,8 мың теңге болды», - деді Жәмішев.

Тұрғын үй құрылысы бағасының артуындағы басты себеп соңғы үш жылда, министрдің айтуынша, энерготиімді технологиялардың енгізілуі. Бұл құрылыстың 7-10% пайызына тең келеді. Ал ондағы жұмыскерлердің айлығының 25 пайызға артқаны тағы бар. Құрылыс материалдарының 8 пайызға қымбаттауы да үй бағасының артыуына алып келді.

Айта кету керек, аталмыш бағдарламаға енгізілетін өзгертулер мемлекеттік органдардың қарауында жатыр.