Алматыда қоғамдық көлік саласын реформалау жалғасады

9 Қараша, 2017 16:12

Алматыда күн сайын 700 мыңнан астам автомобиль жүреді. Көлік залалы 80%, сондықтан болашақта қоғамдық көлікті реформалау ісі жалғасатын болады, дейді Алматы қаласының әкімі Бауыржан Байбек Орталық коммуникациялар қызметінде өткен баспасөз конференциясында.

Қазіргі таңда метроның екі бекетінің құрылысы жүруде, келер жылы МЖӘ қағидасы бойынша ЖРК құрылысын қолға алу жоспарланған. Қазір қаланың қоғамдық көлік паркі 1,4 мың бірлікті құрайды, олардың 60%-ы газбен жүретін автобустар мен троллейбустар.

Биыл қала автопаркі 530 жаңа автобуспен толығады, олардың 211-і бағыттар бойынша жолға шықты. Екі жыл ішінде «ОҢАЙ!» жүйесі бойынша 20 млрд. теңгеге 350 млн. транзакцияланды. Тасымалдаушылардың негізі табысы екі есе өсті. FalconEuroBus компаниясымен бірге электроавтобус шығаратын зауыт салынады.

«Электроавтомобилмен жүрі мүмкіндігін жоғарылату үшін әуелі оны қуаттайтын станцияларды салу керек. Сондықтан да алдымен инфрақұрлымды дамыту басты мақсат болып отыр», -деп атап көрсетті спикер өз сөзінде.

Есбол Социалхан

Барлық жаңалықтар