Челябинск форумы аясында ҚР мен РФ Президенттері бірлескен мәлімдемеге қол қояды

Форумға «Адами капиталды дамыту» тақырыбы арқау болды.

ҚР Президенті Нұрсұлтан Назарбаевтың Қазақстан мен Ресейдің XIV өңіраралық ынтымақтастығы форумына қатысуы одан ары дамытудың маңызды саяси-экономикалық талқылау механизмі және екі ел арасындағы стратегиялық өзара қарым-қатынасты нығайту болып табылады.

XIV форумның негізгі міндеттері екі елдің жетекші университетерінің бәсекеге қабілеттілігін арттыру бойынша өзара байланыстарды сапалы дамыту; заманауи сандық білім ортасындағы жобалар мен жаңа әдістерді іздестіру, Қазақстан мен Ресейдің өңіраралық ынтымақтастығын дамыту.

Шара аясында «Адами капиталды дамыту» тақырыбы бойынша мамандандырылған көрме мен Қазақстан-Ресей оқу орындары ректорларының форумын өткізу көзделген. Көрме білім саласында жүзеге асырылып жатқан қазақстандық-ресейлік жобаларды таныстыруға, екі елдің оқу орындары арасында байланыс орнатуға септігін тигізетін болады.

Кәсіпкерлік орта екі елдің сауда-өндіріс палаталарының төрағалығымен өтетін жоспарланған, кезекті шекара маңындағы ынтымақтастық  бойынша Қазақстан-Ресей Іскерлік кеңесінің отырысына қызығушылық танытып отыр.  

Күтіліп отырғандай, Қазақстан мен Ресейдің XIV өңіраралық ынтымақтастығы форумы аясында Қазақстан мен Ресей Президенттері Бірлескен мәлімдемеге қол қоятын болады, бұл мәлімдеме ҚР мен РФ арасындағы дипломатиялық қарым-қатынастың 25 жылдығына арналған.

Сонымен қатар, форум алаңында бірқатар аймақаралық келісімдерге қол қойылады деп күтілуде.