9 Қараша, 2017 08:46
Биыл Астана-Қарағанды учаскесіндегі жол ашылады
«Нұрлы жол» инфрақұрылымды дамыту мемлекеттік бағдарламасына сәйкес, «Орталық-Оңтүстік» жобасын жүзеге асыру Астана-Қарағанды-Балхаш-Алматы бағыты бойынша жүзеге асырылуда, оның ұзындығы 1291 км, деп хабарлады «ҚазАвтоЖол» ҰК» АҚ баспасөз қызметі.
171 шақырымға созылған Астана-Теміртау учаскесінің бүгінде 105 шақырымы пайдалануға берілді, қозғалыстың қауіпсіздігі қамтамасыз етілген. Қалған 66 шақырым бойынша инженерлік абаттандыру жүргізілуде. Толық аяқталу 2017 жылдың IV тоқсанына жоспарланып отыр.
Биыл Теміртау-Қарағанды учаскесінде 14 шақырым жолды жөндеу қарастырылған. Жолдан бөлек учаскеде 4 көлік жол айырығы салынып жатыр. Жыл қорытындысы бойынша қозғалысты ашу жоспарланған, жөндеу жұмыстары 2018 жылы толық аяқталады.
