Н.Назарбаев Қостанайдағы «Әуежай» шағын ауданында болды
8 Қараша, 2017 17:16
ҚР Президенті Нұрсұлтан Назарбаев Қостанай қаласының «Әуежай» шағын ауданындағы тұрғын үй құрылысының барысымен танысты, деп хабарлады Ақорданың баспасөз қызметі.
Сондай-ақ, Қазақстан Президентіне «Нұрлы жер» бағдарламасының Қостанай облысында іске асырылу барысы жөнінде баяндалды.
Шағын аудан аумағында әлеуметтік инфрақұрылым нысандары да салынуда, соның қатарында мемлекет-жекеменшік әріптестігі аясында 900 орындық жалпы білім беретін мектеп, сондай-ақ спорт және ойын-сауық кешенінің құрылысы бой көтеруде.
Жаңа шағын ауданның көлемі – 31,7 гектар. 2014-2017 жылдарда жалпы көлемі 80542 шаршы метрді құрайтын 16 үй пайдалануға берілген. Бүгінде тағы 12 үй салынып жатыр.
Фото - Бауыржан Жуасбаев
