Қазақстанда құнды металл іздеушілердің институтын құру ұсынылды – ИДМ

8 Қараша, 2017 11:52

Құнды металл іздеушілерге қандай талаптар қойылатындығы туралы инвестициялар және даму министрі Жеңіс Қасымбек Парламент Мәжілісінің депутаты Арман Қожахметовтың сұрағына жауап берді.

«Бүгінде қоғамда асыл металдарды кен орындарынан заңсыз түрде өндіру жағдайының көбеюі алаңдық туғызады. Бұл құнды металдарды іздеушілерге қатысты проблема болып отыр. Құқық қорғау органдарының мәліметінше, 2017 жылдың басынан бастап, 800 заңсыз метал іздеушілер ұсталды,12 қылмыстық іс қозғалған. Заңсыз метал алу Ақмола, Ақтөбе және ШҚО облыстарында тіркелген», - деді депутат.

Мәжілісменің айтуынша, жыл сайын көлеңкелі нарық аясында тоннадан астам алтыны бар шикізат сатылады.

Инвестициялар және даму министрі ведомство көлеңкелі болса да аталмыш бизнестің бөлігін жоюға мүдделі.

«Металл іздеушілердің жаңа институты пайда болуда. Кеңестік кезеңде ол жұмыс істеген болатын. Бұл тек жаңа учаскелерге ғана қатысты. Карьер мен шахталарда бұл қызметтің түріне рұқсат берілмейді. Себебі, техникалық және қауіпсіздік тәртіптері сақталу керек. Ескі карьерлердегі жұмыстың өзі қауіпсіздік техникасы бойынша барлауды қажет етеді. Жеке учаскелерге қатысты болғандықтан, біліктілік талабы да төмен болмақ», - деді Ж.Қасымбек.

Министр алтын іздеушілер жұмысы үш метрге дейін болуы керек – бұл әлімдік тәжірибе екендігін айтты.

Айта кетейік, «Жер қойнауы және жер қойнауын пайдалану туралы» ҚР Кодекс жобасын бірінші оқылымда мақұлданды.

Ақбота Күзекбай