М.Қоғамов қоғамдық кеңестің 2018 жылға жоспарланған жұмысы туралы айтып өтті

«Қоғамдық кеңес туралы» Заңға сәйкес 2016 жылы ІІМ-де ішкі істер органдарының қызметі мәселелері жөніндегі қоғамдық кеңес құрылды. Оның құрамына 18 мүше кірді.

Кеңестің жанында екі комиссия құрылды: бірі – заң шығару қызметі мәселелері бойынша, бұл комиссия ІІМ әзірлейтін азаматтардың құқықтарына, бостандықтарына және құқықтарына қатысты нормативтік құқықтық актілердің жобаларын қарайды, екінші комиссия азаматтардың арыздарын және полиция жұмысының ашықтығын қарастырады.

Қоғамдық кеңес Заңда көзделген қоғамдық бақылаудың 4 нысанын белсенді іске асырады: қоғамдық мониторинг, қоғамдық тыңдау, қоғамдық сараптама, мемлекеттік органның есебін тыңдау.

Қоғамдық мониторинг аумақтық органдардың қызметін жан-жақты зерделеу үшін өңірлерге шығу және құқықтық насихат жүргізу арқылы жүзеге асырылады.  

2016-2017 жылдары 18 мониторинг жүргізілді, яғни Қарағанды, Шығыс-Қазақстан, Алматы, Қостанай, Солтүстік Қазақстан, Батыс Қазақстан, Ақтөбе, Маңғыстау және Атырау облыстарының, Алматы қаласының ІІД мен ЖПҚ (жергілікті полиция қызметі)  жұмыстары сараланды.

Мониторинг жүргізу кезінде Қоғамдық кеңес мүшелері бөліністердің жұмысымен танысты, жеке құрамның назарына Кеңестің ағымдық жұмысы, криминалдық цикл саласында алда тұрған өзгерістер мен толықтырулар туралы ақпарат жеткізілді. Мониторинг нәтижелері Кеңестің отырыстарында пайдаланылды, қызметтік жазбамен министрге және облыс әкімдеріне баяндалды.

Есбол Социалхан