Жаяу жүргіншілер жолының интеллектуалды жүйесі кез келген ауа райында жұмыс істей береді
Жоба әлеуметтік болып табылады, әзірге әлемде баламасы жоқ. Жаңа технологиялар қозғалыс датчиктері мен бағдарламалық қамтамасыз етумен жұмыс істейді.
Қала әкімдігі хабарлағандай, күндіз лазерлік жазулар автоматты түрде жол төсемімен бірдей болып көрінеді. Түнде және қолайсыз ауа райында көлік жүргізішусіне жаяу жүргіншілер жолағының барын ескертуге мүмкіндік береді.
«Статистикаға сәйкес,ЖКА көбі реттелмейтін жаяу жүргіншілер жолағында орын алады. Сол себепті біздің жааңа технологияларды пайдаланып жасаған жобамыз жаяу жүргіншілердің қауіпсіз қозғалысы мен жүргізушілердің көру қабілетін жақсарту мақсатында әзірленді», – деді А. Мантаев.
Күндіз инновациялық комплекс күн және жел энергиясымен қуатталады. Сәйкесінше сол қуат арқылы лазерлік сәуле таратып жаяу жүргіншілер жолын реттейді.
«Лазерлік жаяу жүргіншілер жолағы кез келген ауа райында: тұман, жаңбыр, боранда жұмыс істейді. Кешен -50 ˚С-тен +50 ˚С аралығындағы кез келген температураны көтере алады», – деді Мантаев.
Алғашқы лазерлік жаяу жүргіншілер жолағы маусым айында елорданың сол жағалауында – Нұржол бульварына орнатылды. Инновациялық кешен қазақстандық өнертапқыштардың күшімен жүзеге асырылаған және әзірге әлемде еш баламасы жоқ.
