Астанада аңызға айналған «Не? Қайда? Қашан?» ойыны өтті

7 Қараша, 2017 11:42

Астанада «Астана» Халықаралық орталығының қолдауымен «Не? Қайда? Қашан?» ойынының XV мерейтойлық чемпионаты өтті. Чемпионатқа 26 елдің 69 командасы қатысты.

Қазақстанның намысын Астана, Алматы, Қарағанды мен Ақтаудан келген 8 команда қорғады. Жалпы, 650-ге жуық білімпаз қатысты.

«АХҚО жүйелі түрде Қазақстандағы адами капиталды дамыту мен зияткерлік өмір сүруді қолдайды. Атап айтсақ, АХҚО қаржы саласында жоғары білікті мамандарды дайындап, отандық кәсіби мамандардың интелектуалды дамуын жетілдіреді», - деді АХҚО басқарушысы Қайрат Келімбетов.

Сайысқа «Не? Қайда? Қашан?» клубының магистрі мен клубтың халықаралық қауымдастық президенті Андрей Козлов қатысты. Сондай-ақ, Александр Друзь, Максим Поташев, Балаш Касумов, Владимир Антохин, Елизавета Овдеенко, Александр Рубин де келді.

Қорытындысында бас жүлдені Сергей Николенконың Санкт-Петербургтан келген командасы ұтып алды. Финалға екі қазақстандық команда шықты, оның ішінде АХҚО құрамасы да бар.

Қайрат Жандыбаев

Фото: АХҚО баспасөз қызметі

Барлық жаңалықтар