• Басты
  • Зейнетақыны тағайындау еңбек өтіліне қарай есептелетін болады

Зейнетақыны тағайындау еңбек өтіліне қарай есептелетін болады

6 Қараша, 2017 14:19
Бүгінде базалық зейнетақы төлемдері еңбек өтілі есепке алынбай барлығына біркелкі беріліп келсе, алдағы жылы 1 шілдеден бастап еңбек өтіліне қарай есептеліп бөлінетін болады. Бұл туралы Орталық коммуникациялар қызметінде өткен баспасөз конференциясында ҚР Еңбек және халықты әлеуметтік қорғау вице-министрі Светлана Жақыпова мәлімдеді.

Базалық зейнетақыны тағайындау – жинақтаушы зейнетақы қорына жиналған зейнетақы жарнасын ескере отырып, 1998 жылдың 1 қаңтарына дейінгі де, 1998 жылдың 1 қаңтарынан кейінгі де еңбек өтілі есепке алынады.

«Мысалы, егер азамат келер жылы зейнеткерлікке шығатын болса. 1998 жылдың 1 қаңтарына дейінгі бірлескен зейнетақы жүйесіндегі еңбек өтілі 20 жыл және 15 жыл бойы зейнетақы жинақтау қорына үзіліссіз зейнетақы жарнасын төледі деп есептелік. Осылайша, оның жиынтық еңбек өтілі 35 жылға тең болады. Жаңа жүйенің әдіс-тәсіліне сәйкес, егер еңбек өтілі 10 жылдан кем болған жағдайда, зейнетақы көлеміне ең төменгі өмір сүру деңгейінің 54 %-ы тағайындалады. Бұл сома келер жылы – 15274 теңгені құрайды. Еңбек өтілі 10 жылдан асатын болса, әр жыл үшін 2 % үстеме қосылады»,- деді вице-министр.

Спикердің айтуынша, бұл шара еңбек өтілі көп бола тұра аз зейнетақы алып келген зейнеткерлердің зейнетақысын айтарлықтай жоғарылатып, әлеуметтік әділеттілікті орнатады.

 

Есбол Социалхан

 

Барлық жаңалықтар