Қарағанды облысында ТКШ жаңғырту бағдарламасы аясында 240 үй жөндеуден өтті
6 Қараша, 2017 10:13
Қарағанды облысында 240-тан астам көпқабатты үйлер 2011-2017 жылдар аралығында ТКШ жаңғырту бағдарламасы бойынша жөндеуден өтті.
Облыс әкімдігінің баспасөз қызметі хабарлағандай, биылғы жылы аймағымызда осы бағдарлама бойынша 18 тұрғын үй жөнделіп, 8 лифт орнатылды.
Бағдарламаға қатысамын деп ниет білдірушілер өздері мердігерлерді таңдайды.
Естеріңізге сала кетейік, ТКШ жаңғырту бағдарламасы 2011-ші жылы Президент Жарлығы бойынша бастау алған болатын. Ол ортақ кондоминимум мүлігін жөндеуге пайызсыз несие алуға мүмкіндік береді. Несиені 15 жыл аралығында өтеуге болады.
