Қырғыз тасымалдаушыларының заңнаманы елемеу фактілері көбейді
4 Қараша, 2017 10:32
Соңғы уақытта Қазақстан Республикасының заңнамаларын қырғыз тасымалдаушыларының қадағаламау фактілері көбейді, деп хабарлады ИДМ.
10 қазан мен 4 қараша аралығында Қырғыз Республикасына тиесілі 3949 тексерілген көліктің ішінде 431-і қатаң бұзушылықтарға жол берген. Атап айтсақ, жүк көлемін қадағаламау – 81, каботаждық опрациялар үшін -11, қазақстандық рұқсат беру қағазының болмауы-13, үшінші елдерден енген жүкке қазақстандық рұқсаттың болмауы -1 және өзге бұзушылықтар – 325-ті құрады.
Жоғарыда айтылған ережерлерді бұзғаны үшін 13 млн 413 мың теңге әкімшілік айыппұл есептелді.
Аталмыш ақпарат Қырғыз Республикасына берілді.
