Астанада аймақтық БАҚ конференциясы өтті
«Республикалық БАҚ-қа үлкен көңіл бөлінеді, алайда аймақтық медиа назардан тыс қалып жатады. Бұл конференция осы олқылықтың орнын толтырып, аймақтық журналистердің біліктілігін арттыру үшін жаңа жол салуы керек. Жалпы, аймақтық БАҚ маңыздылығы мемлекеттік бағдарламаларды жүзеге асыру барысында ғана күшейе түседі», - деді «Қазконтент»АҚ Басқарма төрағасы Евгений Кочетов.
Шараны ұйымдастырушылар бұл форумды тәжірибе алмасу және ақпараттық технологиялар саласындағы тенденцияларды талқылау алаңы деп отыр. Бұдан басқа, екі күнге созылған форум аясында аймақтық журналистер сапалы мультимедиялық контентті жасақтау үшін жетекші сала мамандарынан білім алды.
«БАҚ және әлеуметтік желіде мультимедиялық контент маңызды рөл атқарады. Біз осы салада заман талабынан қалыс қалмай, оқырмандарымыздың көңілінен шығу үшін бәсекеге қабілетті болуымыз шарт», - деп атап өтті аймақтық БАҚ қауымдастығы төрағасының орынбасары Ержан Сейтқазинов.
