Еңбек министрлігі халықтың қоныс аударуына байланысты жұмыс берушілерге субсидия ұсынып отыр

3 Қараша, 2017 17:27

Егер де солтүстік өңірлердің жұмыс берушілері тұрақты жұмысқа 5 адамды орналастырып, олардың өмір сүруіне жағдай жасаса, мемлекет жұмыс берушілерді субсидиялайды.Бұл туралы Мәжілісте «Қазақстан Республикасының кейбір заңнамалық актілеріне халықтың жұмыспен қамтылуы және көші-қоны мәселелері бойынша өзгерістер мен толықтырулар енгізу туралы» заң жобасын таныстыру барысында ҚР Еңбек және халықты әлеуметтік қорғау вице-министрі Біржан Нұрымбетов мәлімдеді.

Біржан Нұрымбетов айтып өткендей, «Халықты жұмыспен қамту туралы» заңның әрекеттегі нормаларында қоныс аударуды қолдауды ынталандыру шаралары бар.

«Заңда халыққа субсидиялар қарастырылған. Демек, субсидиялар көшу мен жүкті тасымалдауға отбасындағы жан басына шаққандағы сома 35 айлық есептік көрсеткішті құрайды. Бұл 79 415 теңге. Бұдан өзге, біз алғашқы 12 ай бойынша баспананы жалға алу шығынын орнына келтіреміз. Бұл жерде 20 АЕК-ден 35 АЕК-ге дейін, демек бұл 34 000 теңгеден 68 000 теңгеге дейін деген сөз», - деді вице-министр.

Министрлік халық көп шоғырланған аймақтардан аз шоғырланған аймақтарға еркін көшуді ынталандыру бойынша жаңа қосымша шараларды ұсынып отыр. Аталмыш шаралар жұмыс берушілердің өздеріне қатысты болып отыр.

«Жұмыс берушілерге келетін болсақ, әрекеттегі нормада субсидиялар жұмыс берушілер пәтер мәселесін шешпесе ғана берілетіні көрсетілген. Жұмыс берушілерге ауыртпалық түсе ме? Бұл жағдайда жұмыс берушілер шығынды өздері көтерсе, мемлекет қоныс аударған адамдарға екінші мәрте төлемейді. Жақында біз алдағы бес жылға арналған көші-қон саясаты туралы тұжырымдаманы қабылдадық»,- деді Б.Нұрымбетов.

Барлық жаңалықтар