2013 жылы Қазақстанда төтенше жағдайлар саны 18 % қысқарды
14 Қаңтар, 2014 09:22
Қазақстанда 2013 жылы ТЖ саны 17,6 пайызға қысқарды, деп Төтенше жағдайлар министрлігінің баспасөз қызметі хабарлады.
«Алдын алу профилактикалық іс-шараларды сапалы өткізудің арқасында 2012 жылдың ұқсас кезеңімен салыстырғанда ТЖ саны 17,6%-ға, оның негативті салдарынан қаза болғандардың саны 15,9%-ға, зардап шеккендер саны 13,3%-ға азаюына қол жеткізілді», - делінген хабарламада.
Көбінесе, өз қызметтік міндеттерін орындай отырып өрт сөндірушілер мен құтқарушылар нағыз батырлық танытады. Ағымдағы жылы Министрліктің 26 қызметкеріне мемлекеттік награда – медальдар мен ордендер табыс етілді.
Айта кетерлігі, ТЖМ күштері авариялық-құтқару жұмыстарына 56534 шығу жасады, 6748 адамды құтқарды, төтенше жағдай аймағынан 6651 адамды эвакуациялады, зардап шеккен 3667 адамға алғашқы медициналық көмек көрсетті.
