Қарағанды облысында күн және жел электр станциялары салынады

Барлық алты станция 2020-шы жылдың соңына дейін іске қосылуы тиіс. Жобалар жеке инвесторлармен қаржыландырылады. Барлығы бұл жобалардың құрылысы мен пайдалануға беру үшін 163 миллиард теңге жұмсалады. 

«Осы жылдың соңында Саран қаласында Орталық Азиядағы ең ірі күн электр станциясының құрылысы басталды.  Оның қуаттылығы 100 МВт болады. Жылына ол 145 миллион КВт қуат өндіретін болады», - делінген хабарламада.

Тағы бір күн электр станциясы жоспар бойынша Шет ауданында, Ағадыр кентінің маңында орналасатын болады. Ол «КазСолар» ЖШС қаражатының есебінен салынып, қуаттылығы 50 Мвт құрайды. 

Ақтоғай ауданында, Гүлшат ауылында «КПМ-Дельта» ЖШС қуаттылығы 40 МВт күн электр станциясы салынады. 

Қуаттылығы 10 МВт жел қуатымен жұмыс істейтін жаңа электр станциясы Осакаров ауданында, Осакаров кентінде де пайда болады. 

«Шаңырақ – 22» ЖШС қаржысы есебінен салынатын қуаттылығы 10 МВт болатын жел электр станциясы Қарқаралы ауданында салынады. 

Абай ауданында «Агрофирма Құрма» ЖШС қуаттылығы бір МВт биогазды құрылғы орнатады. 

Бұл станциялар өндіретін қуатты Энергетика министрлігі бір киловаттын 32-36 теңгеден орталықтандырып сатып алуды жоспарлап отыр.

Сонан соң оны KEGOК-тың желілері бойынша таратады. Тұтынушыларға қуат аймақтарда бекітілген тарифтер бойынша жеткізіледі. Қарағандыда бір киловатт 10-11 теңгені құрайды.